എസ് നവനീത് കൃഷ്ണന്
പുതിയ ആകാശക്കാഴ്ചകള്ക്ക് വഴിയൊരുക്കി ശുക്രസംതരണം വരുന്നു. സൂര്യബിംബത്തിനു മുന്നിലൂടെ ഒരു കറുത്ത പൊട്ടു പോലെ ശുക്രന് കടന്നുപോകുന്ന കാഴ്ച. മഴക്കാറുകള് ചതിച്ചില്ലെങ്കില് 2012 ജൂണ് 6 ന് ഉദയം മുതല് ഏതാണ്ട് 10 മണിവരെ അപൂര്വമായ ഈ ആകാശക്കാഴ്ച നമുക്ക് ദൃശ്യമാകും. അന്നിതു കണ്ടില്ലെങ്കില് ജീവിതത്തിലൊരിക്കലും നമുക്കീ കാഴ്ച കാണാനുള്ള അവസരമുണ്ടാകില്ല. കാരണം അടുത്ത ശുക്രസംതരണം 2117 ലാണ്! എന്താണ് ശുക്രസംതരണം? സൂര്യഗ്രഹണം കൂട്ടുകാര് കണ്ടിട്ടുണ്ടാകും. സൂര്യനും ഭൂമിക്കും ഇടയിലൂടെ ചന്ദ്രന് കടന്നുപോകുമ്പോള് സംഭവിക്കുന്ന [...]
